Já ég var bara að sjá núna að hún Helga Þóra ofurhlaupagella var eitthvað að klukka mig! Best að svara því klukki svona til tilbreytingar (ég nenni aldrei að taka þátt í svona hehe)

Fjögur störf sem ég hef unnið um ævina :
- Lyf og heilsa
- Unglingavinnan
- Skjalasafn LSH
- Seðlabanki Íslands

Fjórar kvikmyndir sem ég held upp á :
- Love Actually
- Music and Lyrics
- Sex and the City the movie
- Mýrin
sem sagt allar myndir með Hugh Grant nema American Dreams hún er glööööötuð

Fjórir Staðir sem ég hef búið á:
- Kaplaskjólsvegur
- Meistarvellir
- Hagamelur
- Keilugrandi
To sum it up => VESTURBÆRINN

Fjórir sjónvarpsþættir sem mér líkar :
- Sex and the City
- Greys Anatomy
- Friends
- Desperate Housewifes

Fjórir staðir sem ég hef heimsótt í fríum :
- Kúba
- New York
- Ástralía
- París

Fjórar síður sem ég skoða daglega fyrir utan blogg :
- www.m5.is
- www.visir.is
- www.mbl.is
- www.facebook.com

Fernt sem ég held uppá matarkyns:
- Grillmatur
- Eldsmiðjupizza og PK pizza
- Kjúklingaréttir ala Ég
- Allur tælenskur og indverskur matur

Fjórar bækur sem ég les oft.
Ehhh ég les nú ekki sömu bókina oft en þá nefni ég bara nokkrar góðar bækur

- Flugdrekahlauparinn
- Þúsund bjartar sólir
- Karitas án titils
- Yrsu Sigurðrdóttur og Arnalds Indriða bækurnar

Fjórir staðir sem ég vildi helst vera á núna

- Heima hjá mér
- Að púla í bootcamp
- Í Ástralíu hjá henni Maríu minni
- Í New York

Fjórar manneskjur sem ég vil klukka:
- María
- Helgz
- Gunna
- Allir hinir

Jæja þar hafiði það
Gjörsamlega useless information….
Kreppukveðja,
Helga

Úff ég æta ekki einu sinni að eyða orku að tjá mig mikið um þetta ástand annað en það að þetta er hrææææðilegt. Öll þjóðin með hnút í maganum og kvíðir næsta dags :S
Ein frétt þykir mér standa upp úr og fær fólk til að hugsa aðeins

—————————————————–

Frétt birt á Vísi, fimmtudaginn 2.október:

Ekki bara bankamenn sem njóta fríðinda í vinnunni

Lárus Welding fékk kannski 300 milljónir fyrir að byrja hjá Glitni og Hannes Smárason 90 milljónir fyrir að hætta hjá FL Group, en það eru ekki bara bankamenn sem ganga sílspikaðir frá samningaborðum við vinnuveitendur sína. Starfsmenn í öðrum geirum þjóðfélagsins njóta ýmissa sérkjara.

Starfsmenn Dvalarheimilisins Hrafnistu fá til dæmis fimm þúsund króna styrk til heilsuræktar. Þá styrkir Hrafnista starfsmannafélagið, sem meðal annars bíður starfsfólki frítt í bíó tvisvar á ári, á árshátíð og í jólabingo, svo eitthvað sé nefnt.

Og þetta er ekki allt. Starfsmenn dvalarheimilisins eru einnig, líkt og bankamennirnir, heiðraðir með ýmsum hætti fyrir það að halda tryggð við vinnustaðinn. Á heimasíðu Hrafnistu kemur fram að eftir þriggja ára starf fá starfsmenn til að mynda konfektkassa. Eftir tíu ár í starfi geta þeir farið út að borða fyrir fimmtán þúsund krónur. Eftir 25 ár er í boði “Gjugg í bæ” fyrir 35 þúsund krónur, eða gjafabréf í Kringluna eða Smáralind.

Endist starfsmaður í 40 ár án þess að vera orðinn vistmaður sjálfur býðst honum utanlandsferð fyrir 110 þúsund krónur, eða vikudvöl á heilsuhælinu í Hveragerði. Vert er að taka fram að svo vitað sé fá starfsmenn Hrafnistu ekki borgað sérstaklega fyrir að byrja eða hætta hjá fyrirtækinu.

———————————————————————-

Þetta fær mann til að hugsa
kv. Helga

Góðan og blessaðan

Jæja þá erum við skvísurnar byrjaðar í BOOTCAMP! Já mér tókst að fá Rástu, Guðrúnu og Svövu með mér í Bootcamp hehe. Fyrsti tíminn byrjaði á þrekprófi takk fyrir pent. Út að hlaupa í grenjandi rigningu í tímatöku og svo inn í armbeygju-,magaæfinga- og froskahoppapróf…. Gekk alveg bara ágætlega nema undir lokin í blessuðu froskahoppunum var ég aalveg búin á því og gat ekki gert neitt ofboðslega marga en samt alveg eitthvað Vöðvafestubólgan ákvað að gera aftur vart við sig eftir útiskokkið en núna veit ég mín takmörk þar, ég má einfaldlega ekki skokka á malbiki og á því bara að vera inni í e-m tækjum þegar það eru útiskokk. Ekki málið það
Nú tími númer tvö byrjaði á léttum skokk/labbhring og svo lærðum við að gera 6 mismunandi típur af armbeygjum og eitthvað álíka margar tegundir af froskahoppum. Froskahopp með armbeygju er nokkuð töff! Svo lærðum við líka 7 mismunandi tegundir af hvíldarstöðum, t.d. er armbeygjustaðan ein þeirra og að sitja upp við vegg í 90 gráður er önnur og fleira sniðugt. Okkur gellunum líst rosalega vel á þetta og hlökkum bara til næsta tíma Gátum ekki beðið lengur en svo að í morgun kl. 07 vorum við mættar í litlu sætu ræktina hérna í vinnunni að púla. Það var kennari og alles, þannig að við byrjuðum á því að hita upp og svo fórum við í stöðvaþjálfun. Ekkert smá gaman það
Til að toppa allt saman erum við með eitthvað ofurexcelskjal frá bootamp sem kallast víst matardagbók! Fyllum við inn í þetta ofursamviskusamlega og er hollustan ávallt í fyrirrúmi hjá okkur þó svo að einn og einn súkkulaðimoli læðist nú stundum óvart upp í munn og ofan í maga *hóst hóst*

Well ég vona að þið séuð ekki sofnuð yfir þessari ofurheilsusamlegu færslu minni! Ættuð þið ekki frekar að vera vöknuð og full orku eftir lesturinn og reddí í gymmið hehe
Helginni ætla ég svo að eyða í afslöppun í sumarbústað rétt hjá Laugavatni. Veitir ekki af eftir allt púlið í gymminu =)

Aufwiderschreiben!
Helga

Jæja time flies….
Mín skellti sér í 10 km Reykjavíkurmaraþonshlaupið þann 23.ágúst sl. Við Elín hittumst vel fyrir kl. 09 á Sólvallagötunni og trítluðum svo niður í Lækjargötuna. Veðrið var hið ákjósanlegasta, ég var búin að kvíða soldið fyrir rigningunni sem Siggi Stormur var búinn að spá…. en hún lét bara ekkert sjá sig fyrr en eftir hádegi einhvern tíman svo allt slapp það nú vel
Well á slaginu 09:30 var hlaupið ræst og af stað geystust rúmlega 3 þúsund hlaupagarpar! Það var beisiklí fólk alls staðar!! Mér tókst nú að týna henni Elínu minni strax á tjarnarbrúnni og ég ekki með úr svo ég vissi ekkert hvað tímanum leið…. Þannig að ég bara hljóp (ókei skokkaði) og hljóp og það sem mér þótti endalaust vænt um að mamma og pabbi voru í stuðningliðinu. Þau voru svo ótrúlega sniðug að vera á hjólum þannig að ég sá þau ábyggilega 4 eða 5 sinnum Fékk líka að vita hvað klukkan var þegar ég var einhvers staðar á Lindarbrautinni En já 10 km fór skvísan á flögutímanum 1:07:20. Ég er brjálæðislega stolt og alveg í skýjunum með þetta. Þetta var ótrúlega gaman en alveg lúúúúmskt erfitt! Þetta verður núna árlegur viðburður hjá mér og stefni ég ótrauð að bæta tímann á næsta ári

Eftir hlaupið voru mamma og pabbi búin að fara í bakaríið og var sko bakarísveisla á Hagamelnum og svo skelltum við Elín og Rástan okkur í sund. Fóturinn á mér var ekki eins ánægður og ég með hlaupið, því verkurinn sem ég var byrjuð að fá í vikunni fyrir hlaupið ágerðist bara…. lét kíkja á þetta og jú jú Helga komin með vöðvafestubólgu/beinhimnubólgu aftan á kálfa… Þetta er bara hrikaleg lífsreynsla, var haltrandi eins og nírætt gamalmenni og þurfti hjálp við að standa upp Fékk úr lyfjaskápnum á Hagamelnum 2 stykki voltaren rapid og þvílíka kraftaverkið þessar töflur!! Er langt í frá orðin góð, en kommon ég get gengið stiga án þess að það taki mig hálfan sólarhringinn að komast á milli hæða!!

Til að taka út allan veikindapakka, þá er ég að fara í endajaxlatöku á morgun jibbí jei! Ég er laus við þá vinstra megin en það þarf að taka báða hægra megin. Að fara til kjálkaskurðlæknis hljómar ekkert æðislega spennandi neitt eeeeeeeeeeeeen vont en það venst Ég er búin að stútfylla flakkarann af nýju sjónvarpsefni og fylla ískápinn af jógúrti og bönunum og frystirinn af frostpinnum Svo er bara að krossa fingur að ég verði orðin góð um helgina því það er svo svakalega margt og mikið spennandi í boði þessa helgina. Endurfundir með Karen og Önnu Siggu, Jóhanna Kengúra að koma í bæinn, Ljósanótt í Keflavíkinni og partý hjá Dröfn og ég veit ekki hvað og hvað

Svo er það saumó í kvöld þar sem ég ætla svoleiðis að úða í mig svo ég þurfi ekki að borða neitt á morgun…. hvernig svo sem ég á eftir að fara að því

kv, Helga

Sælar hér
Vá hvað maður þarf að hafa sterkar taugar við að horfa á þessa handboltaleiki! Með stírurnar í augunum dröslast maður fram í sófa með sængina kl. 06 en 10 mínútum seinna er maður sko glaðvaknaður! Spennan er svo mikil að þetta er alveg hreint magnað!!! Hélt ég myndi fá tilfelli í morgun þegar Pólverjadruslurnar náðu að minnka muninn í 1 mark en sem betur fer var Björgvin Páll réttur maður á réttum tíma á réttum stað! Þvílíkir snilldartaktar hjá drengnum!!!! Svo er bara að taka Suður-Kóreumenn eða Spánverja í smá sýnikennslu hvernig á að leika handbolta á föstudaginn

Að öðru. Síðastliðinn laugardag var 10 ára Hagaskólareunion. Ég verð nú að viðurkenna að við Heiðdís vorum ekkert að missa okkur neitt úr spenningi og ákváðum ekki fyrr en á fimmtudeginum að fara. Stuðið byrjaði í fyrirpartýi þar sem 10-Þ (minn gamli bekkur) og 10-S hittust. Ég ætlaði varla að þekkja Ásdísi Hafliða, en við vorum eins og samlokur hérna í den, sérstaklega í Grandaskóla forðum daga Eftir fyrirpartýið var skundað á þann skondna stað Kringlukránna!! Það var extreme fyndið! Ljómandi fínn salur þarna fyrir innan þar sem sýnt var slideshow með gömlum og góðum myndum og svo þegar leið á kvöldið blandaðist reunionið við crowdið sem stundar Kringlukrána…. ó mæ ó mæ Þarna var hljómsveit og dansgólf og ég veit ekki hvað og hvað. En eigum við eitthvað að ræða crowdið sem var þarna…. nei hélt ekki :Þ Við erum ekki að tala um second round people eða third round- meira svona fimmta og sjötta ránd hahahahahaha Gaman að því. Setti inn myndir frá þessu stórskemmtilega kvöldi

Hagaskola reunion

Vil líka vekja athygli á því að ég er búin að vera dugleg við að setja myndir frá júlí inn á myndasíðuna, t.d. frá brúðkaupi Sigrúnar og Sigga, Grundarfjarðardögum og hagfræðigrilli. Endilega kíkið á það.

Svo að lokum þá er nýjasta æðið hjá mér útihlaup! Einhvern tíman í vor skrifaði ég hérna á bloggið að ég ætlaði að fara 10 km í Glitnismaraþoninu. Einhvern veginn nennti ég nú ekkert að æfa mig fyrir það og var bara búin að hætta við…. En hvað haldiði. Síðastliðna eina og hálfa viku er ég búin að hlaupa og hlaupa og hlaupa ennþá meira….er mest búin að fara rúma 7 km og ætti ég því alveg að geta drattast 10 km. Hefði samt alveg viljað æfa mig meira en í 10 daga og taka 10 km á innan við klukkutíma en well það er nú ekki alveg að fara að gerast hömm hömm;) Stefni á að ná þessu á innan við 1:15 og allt fyrir ofan það er bónus. Svo tek ég þetta með trompi næsta sumar =)

Segi þetta gott í dag, held ég sé að verða búin að ná mér niður eftir handboltann hehe.

Helgan

Ég er alveg að elska að vera komin í þennan hjólalífstíl. Við Rástan hittumst iðulega kl. 80:20 á stígnum góða og hjólum samferða í vinnuna og svo stundum hittumst við fyrir tilviljun þegar við erum að hjóla heim eftir vinnu. Þessir hjólastígar út um allan bæ eru alveg að gera magnaða hluti og ég get svarið það að maður er miklu fljótari að komast leiðar sinnar á hjólinu en að sitja einhvers staðar pikkfastur í umferðarteppu á miðri Miklubrautinni Um daginn hjóluðum við Sigga eftir vinnu í Laugardalslaugina og það eru bara stígar everywhere sem er bara frábært.
Í gær ákvað ég svo að dekra við hjólið mitt og hjólaði í Örninn og keypti bjöllu á hjólið. Það er alveg nauðsynlegt að vera með svona bjöllusystem, því einhverra hluta vegna virðist fólk aldrei fatta að það er hjólreiðamaður fyrir aftan það comming through…. Á endanum þarf maður að stoppa og fara eitthvert lengst út í kant og þá dettur hraðinn alveg niður og ekkert nema vesen… Þannig að nú er mín komin með bjöllu með áttavita og alles! Svo var ég líka orðin þreytt á gamla talnalásnum svo það var fjárfest í nýjum lyklalás og hann festur á sinn stað á hjólinu. Til að toppa þetta ákvað ég svo að fjárfesta í almennilegri lukt með blikkljósum og ég veit ekki hvað og hvað….

Svo hugsaði ég með mér að það væri nú kominn tími fyrir farartækið að fá smá dekur, sem sagt það þarf að stilla gírana og yfirfara tækið. Haldiði ekki að ég hafi fengið tíma 19.ágúst- tæplega 2ja vikna bið á verkstæðið…. Þetta er bara eins og að fara með brummann á verkstæði eða eitthvað Til að toppa góðmennskuna við hjólið mitt verður settur digital mælir á fákinn þegar hann fer í stillinguna, mælir sem sýnir hraðann, km fjölda, púls og ég veit ekki hvað og hvað. Haldiði að ég verði ekki flottust, alveg á blússandi
Mæli svo mikið með þessum hjólalífstíll, þetta er bara snilld! Tek mynd af glæsikerrunni við tækifæri en látum þessa duga í bili

Vááááá ég fíla þetta veður í botn!
Ég er bara úti þessa dagana, enda engin ástæða að hanga inni í 25 stiga hita (nema jú vinna smá :p )
Í gær fórum við Karen út að skokka í hádeginu og vá hvað það var gott en samt þrusuerfitt! Hlupum “alveg” út að Höfða og til baka, samtals um 2,3 km Svo hjólaði ég auðvitað úr og í vinnu og strax eftir vinnu var svo skellt sér í Bása í golf. Vorum þar í 2 tíma eða eitthvað og svo fékk ég grillaða hamborgara og ís í eftirmat =)
Auðvitað sat ég svo ekki aðgerðarlaus og dreif mig í hjólatúr út á Gróttu að horfa á sólsetrið. Það var ekkert smá gaman, það var svo mikið af fólki- og allir að taka myndir Þarna voru líka gaurar með banjó og svo klöppuðu allir þegar þeir höfðu lokið við að spila hvert lag. Talandi um stemmara!!!

Í dag var svo tekin löööööööööööööööng hádegispása, sest út með teppi og flatmagað takk fyrir pent! Ætlum svo að fara í íslabbitúr á eftir og svo ætla ég að toppa daginn með því að hjóla með Siggu í sund í Laugardalnum. Vá hvað verður pakkað!!!! Fíla’ða

Planið fyrir sjálfa verslunarmannahelgina er útilega.is. Hvert förinni skal haldið ræðst í kvöld, sýnist vesturland og Snæfellsnes koma sterklega til greina hvað varðar veðurspána Það verður sweet að sleikja sólina, grilla góðan mat, spila kubb, fá sér öl og hvítvín og syngja og tralla í góðra vina hópi. Hver eru annars ykkar plön fyrir helgina ógurlegu??

kv, Helga útigarpur

Hæ hæ
Ég ætla ekki að hafa þetta langan pistil, en í staðinn ætla ég að skella inn böns af myndum frá því í júní! Ég er búin að vera í sumarfríi núna og þetta er alveg dásemdarlíf. Gæti alveg hugsað mér að vera atvinnumaður í sumarfríi nehhhh segi svona
Hérna eru myndir frá roadtripinu okkar Gunnu til Akureyrar um mánaðarmótin maí-júní

Akureyri

Hér eru svo myndir frá gæsun Sigrúnar, það var mikið fjör og húllumhæ sem endaði með Sálarballi á Nasa. Bara stuð!

Gæsun Sigrúnar

Svo útskrifaðist Heiðdís úr læknisfræðinni og var það yndislegur dagur og kvöld. Myndir frá því glensi vessogo

Útskrift Heiðdísar

Að lokum er svo bland í poka yfir ýmislegt sem ég brallaði í júní, m.a. afmæli Siggu, afmæli Svenna, reiðtúr, Bjarkar og Sigurrós tónleikarnir og fleira bland í poka. Njótið elskurnar mínar

Ymislegt í júní

Ég ætla svo að halda áfram að vera í fríi og reyna að fara að snúa sólarhringnum aftur í rétt horf….. æhhh samt, til hvers??? :þ Þetta er alveg hreint sældarlíf…. ætla að slökkva á tölvunni og halda áfram að njóta lífsins!
Sumarknúz,
Helga

Sælar
Lífið er dásamlegt, það er ekki hægt að segja annað. Sumarið er bara að þjóta burt, mikið voðalega líður tíminn hratt!
Hæst ber í fréttum að María vinkona Ástralíubúi er á landinu og erum við búnar að bralla margt skemmtilegt. Grillpartý á Skúló er einhver mesta snilld sem ég hef gert lengi! Þemað voru kjólar, hattar og gleraugu og var þetta þema tekið mjög alvarlega Held að ég hafi verið með 4 hatta og 6 sólgleraugu og var alltaf að skipta Svo einhverja helgina skellti ég mér í bústað með Heiðdísi, Ella og co og það var mikil afslöppun. Kíktum í golf og ég meikaði 9 holurnar Ánægð með mig.
Hei já svo ef ég spóla aftur til baka í maí, þá var auðvitað brúðkaup Helgu og Gulla. Athöfnin fór fram í Háteigskirkju og svo var veislan haldin í sal í árbænum. Yndislegur dagur og kvöld sem endaði svo að sjálfsögðu í Eurovision partý Páls Óskars á Nasa!! Stanslaust stuð…… ó je í je Búin að setja inn myndir frá deginum gjöriði svo vel.

Brudkaup Helgu og Gulla

Í lok maí og byrjun júní skelltum við Gunnan okkur svo til Akureyrar. Mikið gaman mikið grín, við hreinlega elskum þennan stað. Fengum dásamlegt veður og ég fór 3svar í sund og svo flatmagaði ég líka upp í bústað í Kjarnaskógi með henni Guðrúnu. Gunna bauð svo mér, Ernu og Unni á sýninguna Brilljant Skilnað og það er endalaust hægt að hlægja á þessari sýningu. Alveg brilljant

Nú svo framundan hjá mér er svo brúðkaup hjá Sigrúnu og Sigga og svo 2 vikna sumarfrí eða svo!! Vááá hvað það verður næs Við María ætlum að fara í roadtrip til Egilsstaða að heimsækja Jóhönnu Kengúru og gera allt vitlaust. Svo fer ég kannski norður mit meine Familie aldrei að vita. Ætla líka að kíkja austur á Selfoss til ömmu og afa og taka jafnvel einn golfhring
Í dag er svo stefnan tekin á Esjuna ef veðrið verður sómasamlegt sem það stefnir nú allt í.

Segi þetta nóg í bili
Adios
Helga

Jæja hver nennir að hanga í tölvunni á svona góðum sumardögum? Veðrið alveg að meika það og ég hjóla á hverjum morgni í vinnuna og svo heim aftur í eftirmiðdaginn. Dásamlegt alveg að hjóla svona meðfram sjávarsíðunni í glampandi sól og blíðu =) Ég er ekki bara að hjóla mér til ánægju og yndisauka, heldur er ég að mótmæla háu bensínverði! Dettur sko ekki til hugar að styrkja þessar bensínbúllur um krónu nema nauðsyn sé. Ég fer á bílnum svona einu sinni í viku og útrétta þá allt sem ég þarf að útrétta þann daginn. Mæli eindregið með þessum lífstíl

Anyways, þá ætla ég að henda inn nokkrum línum hérna um dásamlega New York ferð sem við vinnufélagarnir fórum í maí. Komum á fimmtudagskvöldi, tékkuðum okkur inn á hótelið og kíktum svo á æðislegan ítalskan veitingastað þar sem þjónustan var einstaklega fyndin Morguninn eftir var svo ræs end sjæne og byrjaði dagurinn á því að kíkja í heimsókn í The New York Fed (Seðlabanka New York). Ekkert smá massív bygging og það var meiriháttar prósess að koma okkur öllum inn í bygginguna. Þurftum að fara í öryggisték, renna töskunum okkar í gegnum gegnumlýsingu, sýna svona passana okkar, fara í mydatöku og fá svo skírteini sem var aðgangskortið. Fengum flottan fyrirlestur og fórum svo í hádegismat þar sem búið var að dekka þvílíkt flott á borð fyrir okkur. Þá tók við 3.rétta máltíð með hvern réttinn á fætur öðrum og alls konar kræsingar og gúmmulaði!
Eftir þessa snilldarheimsókn þeystumst við gellurnar svo af stað í Sex and the City túrinn fræga. Vá hvað hann var mikil snilld, sérstaklega fyrir svona Sex and the City aðdáendur eins og okkur;) Fórum á helstu staðina þar sem þættirnir voru teknir upp, heimsóttum hjálpartækjabúðina þeirra stúlkna og bakaríið heimsfræga og enduðum svo á barnum sem Steve og Aiden opnuðu og þar var skálað í Cosmopolitan! SNILLD.
Um kvöldið fórum svo út að borða á staðinn Roca Mexicano og átum og drukkum yfir okkur. Laugardagurinn byrjaði svo á Empire State og þvílík og önnur eins upplifun! Geggjað bara! Svo töpuðum við Rósa okkur í búðunum og shoppuðum like crazy! Yndislegt bara.
Hópurinn fór svo aftur allur saman út að borða í Soho hverfinu á staðinn Mercer. Mæli með honum Stilltum drykkjunni í hóf þetta kvöld til að vera til í fleiri búðir og túrhestastöff á sunnudeginum. Það virkaði svona ljómandi vel og fórum við Rósa og René í fjármálahverfið, Wall Street, sáum nautið blessaða og fórum þar sem Frelisstyttan er. Þaðan var stefnan tekin á Central Park og 5th Avenue og búðirnar heimsóttar villt og galið. Apple búðin var geeeeeðveik!!! Shit mar Tapaði mér ekkert… nei nei
Um kvöldið var svo haldið heim á leið til Íslands og ég mæli ekki með næturflugi, lenda kl. 07:30 á mánudagsmorgni og vera mætt í vinnuna kl. 09:30 og vinna allan daginn og eiga svo alla vikuna eftir…..en ég lifði þetta af

Billjón og sjö myndir eru komnar inn á myndasíðuna vessogú.

New York

Sumar-og hjólakveðja,
Helga